|
|
|
تعد رواية دموع الحرمان بقلم غادة سعيد من أجمل الروايات التي سوف تستمتع في قراءتها، وهذا بسبب تسلسل الأحداث المشوقة داخل الرواية، وتعدد الشخصيات داخل الرواية التي جعلت أسلوب السرد والحوار مشوق جداً، ونحن عبر موقع الاول للكتب سوف نقدم بعض المعلومات عن هذه الرواية الرائعة. قصة رواية دموع الحرمان للكاتبة غادة سعيد الرواية من أجمل فنون العربي، وهي عبارة عن أسلوب نثري يعتمد على الحوار المطول بين الشخصيات، وهذا ما ركزت عليه غادة سعيد كاتبة رواية دموع الحرمان فقد اعتمد على أسلوب الحوار المشوق بين الشخصيات، وتدور أحداث الرواية حول قصة اجتماعية تعاني منها غالبية المجتمعات العربية. وتدور أحداث رواية دموع الحرمان في بيت العائلة حيث تعيش “كوثر” وسلفتها العروس الجديدة للبيت “بسنت” وكوثر متزوجة منذ 20 عام ولا تنجب أطفال، وتكون طيبة القلب وتقدم المساعدة لكل من في البيت، ومع تتابع الأحداث تكتشف بسنت أنها حامل وجميع من في البيت يفرح لها حتى كوثر تبارك لها وتفرح لفرحها ولا تشعر بأي غيرة اتجاهها. أهم الأحداث داخل رواية دموع الحرمان وفي سياق درامي مشوق داخل رواية دموع الحرمان بسنت وكوثر عند طبيب النساء يخبرها أنها حامل في توأم، تفرح كوثر لها وتبارك لها وتتمنى لها السلامة هي والأطفال، وينظر الطبيب لكوثر ويقول لها “عقبالك يا مدام”، ترد كوثر بكل حسرة أنا لا أنجب أطفال، يطلب منها الطبيب أن يفحصها. وتكون المفاجأة هنا أن كوثر حامل ويطلب منها الطبيب الراحة التامة لأن حملها غير مستقر لكن بسنت وضعها ممتاز، ومن هنا تبدأ غيرة بسنت لأن كوثر سرقت اهتمام العائلة وفرحتها بحملها منها، ويمكنك أن تتابع تسلسل أحداث الرواية من خلال قراءة رواية دموع الحرمان بقلم غادة سعيد. من هي كاتبة رواية دموع الحرمان غادة السعيد من أبرز الشخصيات التي اشتهرت بكتابة الروايات، واهتمت الكاتبة يشكل كبير في الاهتمام بفنون الأدب العربي، وتعتبر رواية دموع الحرمان من أبرز الروايات العربية التي كتبتها، وقد لاقت هذه الرواية انتشاراً واضح خلال الفترة الماضية. وهذا بسبب الأحداث التي تضمنها رواية دموع الحرمان، فإن تناسق الأحداث والحوار بين الشخصيات جعلها من أكثر الروايات شهرة، حيثُ أنها تضمن سلسلة من الأحداث المُتنوعة التي قد لفتت انتباه الكثير من الناس. أقرأ أيضا: تحميل رواية غزال زنزانة الحب كاملة pdf بقلم حبيبة الشاهد أقرأ أيضا: رواية احلى صدفة بحياتي كاملة pdf بقايا شتات أقرأ أيضا: رواية ضحايا الماضي كاملة pdf شهد الشورى رواية دموع الحرمان الفصل الأول 1 بقلم غادة سعيدرواية دموع الحرمان الفصل الأول 1 بقلم غادة سعيد رواية دموع الحرمان الجزء الأول رواية دموع الحرمان البارت الأول  رواية دموع الحرمان الحلقة الأولىالنهارده فرح سلفي والبيت كله مليان ناس كلنا مبسوطين اخيرا حازم هيتجوز بعد ما عدى ال 35 سنه اخيرا في واحده اقنعته بيها اخيرا البيت كله فرحان وحماتي فرحانه وحمايا فرحان كلنا مبسوطين جدا….. انا كوثر وعندي 38 سنه متجوزه من 20 سنه اتجوزت صغيره شويه لكن اراده ربنا اني مخلفش لحد دلوقتي الدكاتره اجمعوا ان احتمال اننا نخلف ضعيف جدا وانا خلاص شيلت الموضوع من دماغي لأن سني كبر ما بقتش مستحمله عمليات ولا ادويه تاني سلمت امري لربنا كان نفسي ابقى ام و احس بطعم الامومه بس ربنا عاوز كده الحمد لله على كل حال النهارده فرح سلفي الوحيد جوزي ما عندوش اخوات غير هو… اخيرا بيتنا هيخش له فرح بدل الكآبه اللي احنا عايشين فيها على طول …. _ ايه القمر ده يا كوثر انتي حلوه قوي النهارده = ما تكسفنيش بقى يا حسام انا حاسه ان الفستان بتاعي شكله مش حلو _ بالعكس انتي زي القمر النهارده ده انتي كده هتغطي على العروسه بقى كتابات ل ghada saeed ضحكت وكملت لبسي ولفيت الطرحه وخدني ورحنا عالفرح… اتفاجئنا هناك ان العروسه لابسه فستان مكشوف من كل حته والغريب ان حازم كان راضي ومبسوط مع انها محجبه في الحقيقه انا قلت في بالي يمكن فرحانه وعروسه عايزه تفرح لكن من اول الفرح لما جيت اسلم عليها لقيتها بتسلم على من طراطيف صوابعها استغربت جدا خصوصا ان هي في ايام الخطوبه ما كانتش كده خالص هي هتبديها ولا ايه….. الفرح خلص وكلنا روحنا البيت وكل واحد طلع علي بيته تاني يوم الصبح نزلت عند حماتي احضر الفطار وخبطت عالعريس عشان محضرينله فطار حلو وخليت حسام يجي معايا عشان كنت محرجه لانهم عرسان جداد اول ما خبطنا لقينا سلفتي فتحت الباب بهدوم مكشوفه قدام جوزي لقيته دور وشه وهي واقفه ولا كأن فيه راجل قدامها … _ احنا جينا نجيبلكم فطار صباح الخير = شكرا تعبتوا نفسكم … وخدت الفطار وقفلت الباب…. _ هي ايه الي عملاه في نفسها ده ياكوثر … = تلاقيها مخدتش بالها يا حسام عروسه جديده بقي … قولت الم الموضوع لا يفتكرني غيرانه منها ولا حاجه….. عدا اسبوع والتاني وانا الي بنزل لحماتي اخدمها واعملها الاكل وهي مش بتمد ايديها في اي حاجه بتنزل بليل كده شويه تقعد معانا ربع ساعه وتطلع تاني…. وفيوم لقيتها نازلة شبه عروسه المولد وحاطه ميكب مغرقه وشها لقيت حماتي بتقولها… _ ايه الي حطاه في وشك ده يابسنت… = مالي حطه ميكب … _ بس مش كتير شويه انتي نازلة لحماتك مش رايحه فرح…. لقيناها زعلت وهتطلع حماتي ندهتها وقالتلها _ اعملي حسابك من بكرة هتنزلي من الصبح تساعدي كوثر مش هتشيل هي البيت لوحدها طلعت فوق ومردتش عليها وفضلت يومين مختفيه وحماتي مبقتش طيقاها خالص وزعلانه عليا _ هو انا قصرت معاكي في حاجه ياماما عشان تنزل تساعدني = لا بس مش هتبقي شايله البيت لوحدك وفيه واحده تاني فالبيت … _ خلاص ياماما سيبيها براحتها… لقيناها نازلة بعد اربع ايام والفرحه علي وشها وبتقولنا باركولي انا شكلي كده حامل عقبالك ياكوثر لقيت حماتي بتعيط من الفرحه وبتحضنها وهي بتبصلي كأنها بتواسيني انا اتقهرت مش عشان انا مش فرحانه زعلت اوي عشان انا مبحبش اصعب علي حد …. دخلت المطبخ اكمله وسمعت حماتي بتقولها … _ اوعي تتحركي من مكانك حتي شقتك كوثر ال هتنضفهالك كل يوم … = لا يا ماما مش عاوزه اتعبها…. _ تعب ايه دي كوثر هتفرحلك اكتر مني بصراحه اتعصبت وطلعت برة المطبخ علي شقتي هو انا هعمل ايه ولا ايه انا هقدر اخدم حماتي وبيتي وبيت سلفتي كمان لله الامر من قبل ومن بعد …. نمت بليل وصحيت علي تليفون حماتي _ يلا ياكوثر قومي جهزي الفطار عشان سلفتك لازم تتغذي = حاضر ياماما لقيت حسام صحي _ في ايه بتقومك بدري كده ليه = انا ملحقتش احكيلك بست تقريبا حامل ومامتك قالتلها ترتاح وانا الي هعمل كل حاجه فالبيت وفشقتها _ ليه هما اشتروكي مش هتعملي حاجه هي حامل متشلتش ونزل لمامته وهو متعصب وفضل يزعق وانا اهدي فيه حماتي زعلت مني افتكرتني مسخناه … مشي راح شغله وانا قعدت افهمها انها فهمت غلط وعشان اثبتلها ده طلعت لسلفتي انضفلها بيتها خبطت عليها وفتحتلي وكانت بتمثل انها تعبانه وباين اوي عليها عماله تقول حاسه ان نفسي بتغم عليا وراحت دخلت الحمام دخلت الاوضه انضفها واول ما فتحت الدرج اتصدمت لما لقيت فتحت الدرج عشان احط حاجات لقيت فيه برشام منع الحمل ومتاخد منه طب ازاي حامل وواخده منه ندهت عليها اسألها هو ايه ده … _ بسنت لو سمحتي اخرجي دلوقتي عاوزاكي…. = في ايه _ هو انتي ازاي حامل وبتاخدي برشام منع الحمل… = وانتي ازاي تفتشي في حاجتي وعالعموم يا كوثر انا رايحه النهاردة للدكتور تعالي معايا …. البرشام ده خدته اول كام يوم قولت اعيش حياتي شهرين تلاته بعد كده اجيب عيال عقبالك ان شاء الله …. فالوقت ده جوزها فتح الباب ودخل لقيتها جريت تقوله _ اسكت ياحازم مش كوثر مش مصدقه اني حامل … = لا يا كوثر بسنت فعلا حامل احنا عملنا اختبار فالمعمل وهتروح للدكتور النهاردة … _ اه منا هاخدها معايا … ولو عالنضافه ياكوثر فانا مش عوزاكي تنضفيلي بيتي تاني انا هعمله واحده واحده… = لا انا مش قصدي متزعليش مني… كملت تنضيف والدموع في عيني ونزلت عشان احضر الغدا اول ما دخلت لقيت حماتي بتقولي.. _ مالك ياكوثر شكلك كنتي بتعيطي = لا ياماما ابدا التراب دخل في عيني ودمعت…. _ ربنا يابنتي يجبر بخاطرك ويرزقك بالذريه الصالحه دخلت احضر الاكل وانا مش قادرة اقف علي رجلي… وبسنت بعدها بساعتين نزلت تتغدي اول ما نزلت قعدت عالسفرة ولا قالتلي هاتي احط طبق حتي ولقيت حماتي كلامها اتغير معاها تمامآ وبقت تعاملها حلو جدا وعماله تقولها تعالي ارتاحي حطيت الاكل ودخلت اجيب بقيت الاكل من المطبخ لقيت حمايا خرج من اوضته و اول حاجه عملها راح بايس دماغ بسنت وقال لها اخيرا هتجيبي لي ولي العهد اللي نفسي فيه عارفه يا بسنت لو جبتي ولد هاكتب لكم كل حاجه في البيت والمحلات بتاعتي وهتبقى انتم اللي ماسكين كل حاجه انا مش ضامن عمري انتوا هيبقى لكم كل حاجه ان شاء الله يا عمي هاجيب ولد وكمان هسميه على اسمك بجد يا بنتي ربنا يبارك لك يا رب ويجبر بخاطرك الكلام نزل على زي الصاعقه يعني هو قصده ايه انا هابقى في البيت خدامه وهي اللي هتبقى لها كل حاجه ليه كده انا ذنبي اني ما بخلفش انا مش عايزه اقعد في البيت ده لحظة… حطيتلهم الاكل وقلت لهم انا هاروح البيت عندي عشان ورايا شويه حاجات وهبقى اكل بعدين _ ماشي يا كوثر ما تنسيش هتيجي معايا عند الدكتور النهارده عشان اتطمن على البيبي = ان شاء الله بعد المغرب كده هتلاقيني لابسه ومستنياكي .. دخلت شقتي واترميت على السرير وفضلت اعيط كتير لقيت حسام داخل على ومخضوض… _ مالك يا كوثر في ايه اللي حصل = ابدا يا حسام ما فيش حاجه _ والله لو ما قلتي في ايه هانزل تحت و هتخانق معاهم كلهم حكيت له على كل حاجه حصلت وكلام باباه وانهم عامليني خدامه في البيت اتعصب جامد وكان عايز ينزل يمسك فيهم لكن انا هديته وقلت له انا اللي يرضيني انك تاخذ شقه بعيد عنهم احنا خلاص ما بقاش لنا حاجه هنا وهما اللي هيبقى ليهم كل حاجه = حاضر يا حبيبتي اللي يرضيكي هاعمله _انا دلوقتي نازله مع بسنت عند الدكتور عشان تطمن على البيبي = لا ما تنزليش معاها تروح تاخد مامتها او جوزها _ ما ينفعش يا حسام كده هيقولوا عليا اني غيرانه منها وانا ربنا اللي يعلم اني مش غيرانه انا بس نفسي ابقى ام لبست واستنيتها لقيتها عدت عليا خدتها وروحنا للدكتور ودورها جه قعدت عالسونار… اول ما قعدت لقيت الدكتور بيقول ماشاء الله يامدام حملك ثابت وكويس وفي كيسين قدامي انتي حامل في توأم …. فرحتلها جدا وقولتلها ماشاء الله يابسنت ربنا يقومك بالف سلامه …. لقيت الدكتور بيقولي عقبال اولادك يامدام … بصتله بكسرة وقولتله انا مبخلفش يادكتور … راح قالي تحبي اكشف عليكي يمكن اقدر اساعدك قولتله ملوش لزوم مفيش فايده … لكنه صمم يكشف عليا وصمم يساعدني اول ما قعدت عالسونار كانت المفجأه … اول ما قعدت عالسونار لقيته بيقولي بسم الله ماشاء الله الله اكبر انتي حامل يامدام ماشاء الله انا كنت حاسس انك حامل وشك اصفر وشكلك مرهقه _ ايه انت بتقول ايه دا مستحيل انه يحصل = إرادة ربنا فوق اي شيء… .. لا دي شكلها غارت مني بس وحملت معايا في نفس الشهر = ايه الي بتقوليه ده يامدام دي تخاريف باركيلها احسن. . بس انا عاوز اقولك حاجه مهمه انتي حملك مش زيها هي اه حامل في توأم لكن حملها ثابت وكويس انتي حملك ضعيف جدا لازم راحه تامه لأن ولضح انك بتعملي مجهود حتي جسمك ضعيف… _ دكتور هو حضرتك بتتكلم جد انا بجد مش قادرة اصدق انا حامل بعد ٢٠ سنه … = اه حامل والله بس عاوزه مثبتات وراحه قعدت اعيط واشكر ربنا لكن سلفتي حسيتها زعلت مش عارفه ليه زي ميكون بتقول لنفسها ياريتني مخدتك معايا… طلعت من عند الدكتور وكلمت حسام وانا بعيط قولتله تعالالي دلوقتي حالا عند الدكتور _ في ايه مالك حد زعلك انا جايلك حالا… اول ما وصل اترميت في حضنه فالشارع وقعدت اعيط عياط هستيري واقوله انا حامل ياحسام ربنا مبيخيبش ظن حد فيه ابدا حامل بعد عشرين سنه _ لا اله الا الله انتي بتتكلمي بجد انا هبقي اب انا الحمد لله يارب احمدك واشكرك يارب…. … بس الدكتور قالها ان حملها ضعيف جدا ولازم ترتاح … وانا طلعت حامل في توأم والحمل كويس _ الف مبروك يا بسنت وشك حلو علينا اهوه… روحنا البيت وكل الي فالبيت مكنوش مصدقين وفرحتهم ان كوثر حامل غلبت علي فرحتهم ان بسنت هتجيب توأم … وكان باين فعيون بسنت الغيرة والغيظ … كنا قاعدين كلنا مع بعض نتعشي فا قولت لحماتي _ معلش بقي ياماما الدكتور قال ان حملي ضعيف اوي وعاوزني ارتاح انا هروح لماما تخدمني مش عاوزه اتقل عليكم هنا… = تتقلي ايه يابنتي انا اخدمك بعيني انتي طول عمرك شيلاني … وبعديت تعبت انا سلفتك موجوده… … سلفتها مين انا حامل في توأم يعني مستحيل اقدر اعمل اي حاجه وبعدين انا لسه عروسه جديده يعني مش هاروح اقعد مع ماما عشان ما يصحش اسيب بيتي في اول الجواز كده انا لسه متجوزه من شهر كتابات ل _ يعني ايه يا بسنت انت عايزه الست الكبيره هي اللي تخدمك ولا انا اللي الدكتور قال لي ان حملي ضعيف قدامك خلي حد من اهلك يجي يقعد معاكي يخدمك او خلي جوزك يجيبلك شغاله انا عن نفسي هاروح اقعد مع ماما = حلوه فكره الشغاله دي وكوثر احنا نجيب شغاله تخدمنا كلنا و تاخذ الفلوس اللي هي عايزاها وما تمشيش وتروحي لمامتك و تسيبينا البيت هيبقى وحش من غيرك _ الي تشوفيه يا ماما … تاني يوم اتفقوا مع واحده تيجي تقيم معانا وتعمل الاكل وتنضف ال ٣ شقق عشان نرتاح … كنت بتابع كل اسبوعين والدكتور بيطمني …. وبسنت كانت بتيجي معايا تتابع هي كمان وفكل مرة تسأله علي نوع الجنين عندي وعندها هتموت وتعرف وانا مكنتش حاطه في دماغي اي حاجه كل الي يجيبه ربنا كويس … الدكتور قالنا ان المرة الجايه ان شاء الله هيقولنا النوع … واحنا خارجين لقيت بسنت بتقولي _ انا كده كده واثقه اني هجيب ولد وبنت او ولدين انا حامل في توأم … = يا بسنت ربنا يديكي الي بتتمنيه انا بس عاوزه اجيب طفل سليم معافي سواء ولد او بنت… _ انتي دانتي تلاقيكي هتموتي عالولد عشان تكوشي علي كله … ولقيتها بتضحك وكأنها بتتكلم بهزار لكن هو ده الكلام الي كان جواها … عدت الايام وميعاد الدكتور جه ورايحين متشوقين نعرف هنجيب ايه قعدت بسنت اول واحده والدكتور كشف وقالها…. _ انتي حامل في…. انا شايف قدامي بنت اهي ماشاء الله … لقيت بسنت وشها اتقلب وبتقول للدكتور يعني مفيش ولد ولا ايه … _ استني بس احنا لسه شوفنا البيبي التاني المشكله انه قافل رجلة مش مبين حاجه هيبان المرة الجاية = لا يا دكتور ارجوك شوفلي التاني ليه انا لازم اتأكد … _ لازم تتأكدي ليه لسه بدري عالولاده اتفضلي انتي يامدام كوثر نتطمن عالبيبي… = ماشي يادكتور انا مش فارق معايا بنت ولا ولد اهم حاجه يبقي طفل سليم معافي…. _ اهو ده كلام الناس العاقلة … مبروك يامدام هتجيبي ولد والحمد لله بصحه كويسه بس برضو لازم راحه متتحركيش كتير…. رجعنا البيت وكنت حاسه ان بسنت بتغلي من جواها ومش طايقه حد يكلمها نص كلمه .. حمايا فرح اوي لما عرف اني هجيب ولد ولقيته بيقولي … _ حفيدي يجي بالسلامه وهكتبله نص البيت ب اسمه … كتابات ل ghada saeed لقيت بسنت بتبصله وبتبرق … وراحت طالعه شقتها من غير ولا كلمه .. بقيت خايفه علي نفسي وعلي الي فبطني من حقدها بدعيلها ان التاني يطلع ولد عشان تفرح وتتلهي عني … طلعت من شقتي وقولت اعدي علي بسنت اهون عليها لقيتها ناسيه الباب مفتوح معرفش ايه خلاني ادخل لقيتها بتكلم حد وتقوله… _ هي فاكرة نفسها هتاخد كل حاجه دا بعينها مش هسيبها تتهني علي اي حاجه والبيت دا كله هيبقي بتاعي…. جسمي اتنفض وطلعت اجري علي شقتي وبقيت عاوزه اخد جوزي ونروح بعيد عنها وعن شرها انا مش عاوزه اي حاجه غير انها تبعد عني وتسيبني افرح ب ابني الي بتمناه من الدنيا… حسام جه ولقاني منهارة من العياط _ مالك ياكوثر في ايه في حاجه حصلت… = انا عاوزه امشي من هنا يا حازم انا مش مرتاحه هنا … _ تمشي من هنا تروحي فين فيه حد زعلك…. = لا مفيش بس انا عاوزه استقل بحياتي بعيد عن البيت ده… _ ماينفعش ياكوثر اسيب اهلي وبيت ابويا دول ملهمش غيري انا وحازم اسيبهم يجرالهم حاجه انتي شكل هرمونات الحمل مقصرة عليكي بس…. عدت الايام وجه ميعاد الدكتور ورحناله احنا الاتنين …. وكان باين علي وش بسنت الخوف واول ما قعدت عالسونار… _ طمني يادكتور بان… = اه يا ستي بان حامل في بنت وولد … قولت في سري الحمد لله يارب … _ مبروك يا بسنت الف مبروك والله فرحتلك اوي …. الله يبارك فيكي يا كوثر الدكتور طمنا وروحنا البيت وحمايا بقي طاير من الفرحه انه هيجيله حفيدين ولدين… تصرفات بسنت بقت غريبة بقت بتحاول تقرب من حماتي وحمايا بطريقه ملحوظه وبعد ما كانت مبتنزلش تحت غير اخر اليوم بقت عايشة معاهم علي طول وبقت قريبه لحماتي اكتر مني انا عارفه هي بتعمل كده ليه كويس دي منافقه وطمعانه فيهم انا مش زيها ولا عمري هكون زيها انا بحبهم بجد زي ابويا وامي…. فيوم كنت نازله عشان هنتغدى مع بعض وقفت ورا الباب سمعتهم بيتكلموا عليا لقيت سلفتي بتقولهم اني قولتلها اني مستحيل اسمي ابني علي اسم حمايا وهسميه علي اسم ابويا وانا والله ما طلع مني الكلام ده ولا عمري اتكلمت معاها فيه دخلت عليهم ولقيت حمايا وحماتي مبيتكلموش معايا خالص ومبقاش حد طايقني فالبيت كله… استقليت بنفسي ومبقتش انزل عندهم خالص وعدي ال ٨ شهور وفي نص الشهر التاسع جالي طلق الولاده جريت عليهم لقيت سلفتي بتقولي تعالي انا عارفه مستشفي كويسه اوي قريبتي شغاله فيها جرينا عليها … ودخلت اولد واول ما فوقت لقيت حماتي داخله عليا تقولي حمدالله عالسلامه انتي وسلفتك ولدتوا _ بسنت ولدت ازاي دي مجلهاش طلق = ولدت قيصري معاكي فنفس الوقت … سمي وخدي بنتك انتي جبتي بنت = بنت ؟؟؟ بنت مين انا حامل في ولد لا جبتي بنت قولي الحمد لله … اتفاجأنا بعد العزا ان حمايا كتب كل حاجه فالبيت ب اسم سلفي زي ما قال لانه هو الي جاب الولد كانت صدمه كبيرة بالنسبالي وطلبت من جوزي اني اروح اعيش في مكان تاني حتي حماتي مبقتش معايا زي الاول من كتر ما سلفتي بتكرهها فيا … لقيت حماتي خرجت علي كلامنا ولسه كانت هتقول حاجه وقعت من طولها نقلناها عالمستشفي…. الولاد بيكبروا ولازم يعرفوا… ارجعي البيت ياكوثر انا لوحدي فالبيت معيش حد يونسني انا اسفه لو زعلتك في حاجة انا اتغيرت والله ارجعي سليم وحور بيحبوكي اوي ودايمآ بيسألوا عليكي وحازم قالي انه عمره ما هياكل حق اخوه وهيكتبله نص البيت انا مستنياكي |
| اسم الكتاب | دموع الحرمان |
|---|---|
| اسم المؤلف | غادة سعيد |
| تاريخ النشر | 2023 |
| حجم الكتاب | 8.65 ميجا بايت |
| القسم | روايات عربية |
| ملاحظات | للإبلاغ عن رابط لا يعمل أو كتاب له حقوق |
لأعلى
شاهد أيضاً