نبذة مختصرة عن كتاب “سندريلا سيكريت”:

معظمنا قد تربى على قصص وأساطير سندريلا والاميرات، وقد زرع فينا بشكل ما أن الحياة السعيدة أو الـ Happily Ever After ستحصل عندما تنتهي مشاكلنا بمعجزة، ونجد الأمير الجامد الذي نقع في غرامه، ونتزوج ونعيش حياة جميلة، و”توتة توتة خلصت الحدوتة!”، كل هذا كلام جميل ومعقول، ولا أستطيع أنه أتفوع بكلمة عنه، لكن للأسف لا علاقة له بالواقع!

اقتباسات عن الكتاب:

الواقع إن سر العيشة الجميلة هو السؤال الذي حيّر الملايين، السؤال الذي سنجيب عليه من خلال صفحات هذا الكتاب، السؤال اللي لو معندكيش إجابة عليه يبقى إنتي غالبًا ماشية في مسار غلط عشان توصلي مكان انتي مش عايزة تروحي اليه، يبقى انتي عايشة زي ما المجتمع بيقولك وخلاص، بتدوري على السعادة والنجاح في حدود القالب اللي مجتمعك حطك فيه، سواء كان اسمه كليات القمة أو العربية الشيك أو الجوازة اللي “شكلها” حلو وخلاص.. مشدودة بين اللي يقولك إنك دورك في الحياة إنك تتجوزي وتخلفي وبس، وبين اللي بيقولك تمردي على الرجالة كلها بلا وجع دماغ.

القراء وآرائهم حول كتاب “سندريلا سيكريت”:

*الكتاب لطيف جداً الحقيقة خاصة لو صادف وقت القراءة الشخص وهو مضغوط وعقله غير مرتب، تخيلت حين صادفت اسم الكتاب أنه متخصص في مجال التنمية البشرية، لكن رأي صديقة فيه شجعني على قراءته، الكتاب يتكلم في عدة ملفات مهمة حقيقي، خاصة فكرة كيف تحققين التوازن وتعرفي أولوياتك وتفهمي مشاعرك وتتعاملي معها وأين هي نقطة البداية أصلاً، حاجات كنت قرأت فيها بشكل علمي والكاتبة قد سهلت من تناولها، ومذيلة بأمثلة من حياتنا ففهمها أقرب، الكتاب بالعامية وهذا سيبقى غريب بالنسبة لي، لكن التركيز علي الأفكار مع خفة دم الكاتبة يساعد علي تجاوزه، كان رحلة جميلة وأنصح بقراءته والاستفادة منه ولو علي مستوي ترتيب الأفكار وممكن البحث عنها بعمق أكثر من مصادر أخرى لمن يرغب.

*استطاعت السواح أن تؤلف قصة واقعية من أسطورة سندريلا، تعيشها كل بنت وامرأة في الوقت الراهن، وتمكنت أن توصل معلومات قيمة ومهمة للغاية في شكل مادة علمية، كما وجهت نصائح وحلول للمشكلات بمنتهى المكر وخفة الروح.

تساؤلات طرحها الكتاب:

ووجهت عدة أسئلة في بداية الكتاب، وعادت لرصدها مرة ثانية في النهاية، وتقول: “أنا واثقة إن إجابتك دلوقتى هتكون مختلفة”، وجاءت بعض تلك الأسئلة كالتالي:

• إيه الحاجة اللي بتبقى مبسوطة وإنتي بتعمليها لدرجة إن الوقت ممكن يعدي كده من غير ما تحسي؟
• إيه الهدف من حياتك؟ عايشة عشان إيه؟ إيه اللي عايزاه فعلًا من حياتك وليه؟
• إيه الحاجة اللي بتحلمي إنك تعمليها في يوم من الأيام؟
• هو انتي تستحقي تعيشي سعيدة؟ إنتي شايفة إنك شخص يستاهل السعادة؟
• لو بتفكري في المستقبل، هل عندك استعداد انك تطلعي أحسن ما عندك؟ تخرجي أحسن إنسان جواكي؟

الكتاب من هنا