تقديم عن كتاب “لا بطعم الفلامنكو”:

التغيير هو أكبر تحدى ممكن يواجهك فى حياتك، والتغيير الحقيقي، بيكون معاه صعوبتين، الصعوبة الأولى: إنك هاتكون عامل زى الطفل المولود جديد، بتخرج للحياة ومعاك كل المخاوف زى ما معاك كل الفرص، بتتعرف على نفسك وعلى اللى الناس وكأنك بتشوفهم لأول مرة، بتختار اختيارات جديدة، وتمشي فى سكك مختلفة، حتى لو كانت مُوحشة أو مهجورة، أما الصعوبة التانية فهي ان التغيير له ثمن، والثمن ده ممكن يكون غالى جداً.

قراءة في محتوى الكتاب:

كتاب “لا بطعم الفلامنكو” يتحدث عن التغيير، خطواته وعن ثمنه، عن احتياجاتك ومخاوفك وحقوقك النفسية، وكذلك عن قراراتك التي اتخدتها منذ زمن وقراراتك التي ستأخذها الآن.

الكتاب ينقلك بهدوء وثقة من مرحلة (الحبو) خارج النص، والمشي فوق أشواك العلاقات الخطرة وتجاوزها، إلى الضرب على الأرض بشكل إيقاعى متتابع ومبهر، وكأنك راقص فلامينكو محترف، يرقص فوق آلامه ويزلزل القلوب أمام عينيه، يعلن عن نفسه فى وجه العالم مع كل دبدبة عالية مدوية من قدميه، ويرفع عنقه نحو السماء، ويغرس بذور وجوده الجديد فى أعماق الأرض.

الآن كل ما عليك فعله هو ان تجهز قلبك وعقلك وروحك؛ لتقابل نفسك كما لم تعرفها من قبل.

تعقيب القراء على كتاب “لا بطعم الفلامنكو”:

• حين عرفت ان الكتاب قد يقع تحت تصنيف مساعدة الذات او الـSelf Help، دخلت وانا متهوهوشة وحاسة اني عند اول كلام عليوي من بتاع التنمية البشرية هرمي الكتاب من الشباك وعوضي علي الله في الفلوس الي دفعتها لأن لا سني ولا مرارتي يسمحوا بذلك، لكن الحق يقال الكتاب غير كده تماماً.
• المرة دي انا خدت وقتي في القراية . الكتاب دسم وفيه كلام ومعلومات كتيرة.. الجميل ان فيه افكار ومواضيع جديدة عن الكتابين اللي قبلهم.
• الكتاب ده حقيقي بيتوغل في النفس البشرية وبيخلي الواحد يقعد قعدة مع نفسه ويفكر بجد. من الكتب اللي المفروض تتقرى مرة واتنين وتلاتة.
• كتاب من اجمل ماقرات دسم جدا خلصتوا ف اسبوعين بس سعيده جدا اني قرأت مثل هذا الكتاب الذي جعلنا ننظر لحاجات في حياتنا بوجهة نظر مختلفة الي مش هيقراها هيفوتوا كتير.